Жил бүр 300 мянга гаруй эмэгтэй умайн хүзүүний хорт хавдрын улмаас амь насаа алдаж байна

Жил бүр 300 мянга гаруй эмэгтэй умайн хүзүүний хорт хавдрын улмаас амь насаа алдаж байна

Мэдээ, мэдээлэл

January 28, 2022

1465

Жил бүр 300 мянга гаруй эмэгтэй умайн хүзүүний хорт хавдрын улмаас амь насаа алдаж байна.
Та: Уг хавдрын талаар мэдлэг, мэдээлэлтэй байж, илрүүлэг, шинжилгээнд тогтмол хамрагдаж хөхөнцөр вирусийн эсрэг 2 тунт вакцинд хамрагдан өөрийгөө хамгаалснаар УМАЙН ХҮЗҮҮНИЙ ХОРТ ХАВДРААС БҮРЭН СЭРГИЙЛЖ ЧАДНА!

Умайн хүзүүний хорт хавдрыг эрт илрүүлэх үзлэг, шинжилгээг 30 нас гэж тодотгосон учир нь, та бэлгийн идэвхтэй амьдралтай болсноос хойш гурван жил тутам дээрх шинжилгээнд хамрагдах шаардлагатай юм.
Үр дүнд нь умайн хүзүүний хорт хавдрыг эрт илрүүлж, эмчилж чадвал бүрэн эдгэрэх боломжтой. Харин хожимдвол энэ боломж хумигдаж, хорт хавдар томрох тусам шархлаа хүндэрч, ойролцоох эрхтэн болох давсаг, шээсний суваг, аарцгийн хана, сүүжний ясны мэдрэл гэмтэж нуруу, хөл өвдөх, хавагнах, турах зэрэг шинж тэмдэг илэрснээр таны идэвхтэй, эрүүл амьдралын хэв маяг алдагдаж эхэлнэ.
Тиймээс умайн хүзүүний хорт хавдрын эрт илрүүлгийн ач холбогдлыг мэдэх нь тун чухал юм