Улсын нэгдсэн төсвийн орлого тусламжийн хэмжээ 1-р сард өмнөх оны мөн үеэс 1,1 их наяд төгрөгөөр буурчээ

Улсын нэгдсэн төсвийн орлого тусламжийн хэмжээ 1-р сард өмнөх оны мөн үеэс 1,1 их наяд төгрөгөөр буурчээ

Мэдээ, мэдээлэл

February 17, 2025

13409

Үндэсний статистикийн хорооноос энэ оны 1-р сарын нийгэм эдийн засгийн үзүүлэлтийг танилцууллаа.
Энэ оны 1-р сард улсын төсөв 1,1 их наяд төгрөгөөр буурсан үндсэн шалтгаан татварын орлого буурсантай холбоотой. Тодруулбал: оны эхний 1-р сард нэмэгдсэн өртөгийн албан татварын орлого 152 тэрбум төгрөг, аж ахуй нэгжийн орлогын албан татвар 358 тэрбум төгрөг, бусад татварын орлого 699 тэрбум төгрөгөөр тус тус буурсан нь голлон нөлөөлжээ. Харин улсын төсвийн зарлагын хувьд өмнөх оны мөн үеэс 106 тэрбум төгрөгөөр өссөн байна.

Харин манай улсын аж үйлдвэрийн салбарын нийт гүйцэтгэл өмнөх оны мөн үеэс 2,6 их наяд төгрөг болж өмнөх оны мөн үеэс 158,9 тэрбум төгрөгөөр өссөн бол иргэдийн аж амьдралд хамгийн их нөлөөлдөг хэрэглээний үнийн индекс буюу инфляци өмнөх оны мөн үеэс 9,6 хувь, өмнөх сараас 1,4 хувиар өссөн байна. Инфляцийн өсөлтөд хонь үхрийн махны үнийн өсөлт болон түлшний мод, орон сууц түрээсийн үнийн өсөлт голлон нөлөөлжээ.

Түүнчлэн малын зах зээлийн дундаж үнэ энэ оны 1-р сард өмнөх оны мөн үетэй харьцуулахад 16 мянгаас 170 гаруй мянган төгрөгөөр өссөн. Тодруулбал: Атны үнэ өмнөх оны мөн үеэс 111 мянга, соёолон үрээний үнэ 62 мянга, хязаалан гунан үхрийн үнэ 175 мянга, эр хонь 39 мянга, эр ямаа 16 мянган төгрөгөөр тус тус нэмэгджээ.