Сэрчмаагийн "RED KISS"

Сэрчмаагийн "RED KISS"

Ярилцлага

November 28, 2025

261

Шинэ жил бага насанд?
Бага насны шинэ жил Оросын гацуур мод, шилэн тоглоом, унагааж хагалаад харамсаж уйлаад л. Ийм дурсамж л санаанд орж ирж байна. Бас шинэхэн мандарины үнэр, ээж маань буузаа гал тогоондоо сэвээд л аав радиогоо асаачихсан, телевизээ үзээд л өнөр өтгөн олуулаа шинэ оноо угтдаг байсан.

Шинэ жил өсвөр насанд?
Өсвөр насны шинэ жил гэвэл би бүр багаасаа бараг 8-р ангиасаа хамтлаг байгуулаад, англи дуу дуулаачдын уралдаанд түрүүлээд л сургуульдаа их хөдөлгөөнтэй хүүхэд байлаа. Тэр үед харин манай багш нар ийм гудамжны урлагийн юм та нар яахгүй хийхгүй шүү гэж шүүмжилдэг байсан. Гэхдээ сүүлдээ багш нар маань хүлээн зөвшөөрчихсөн та нар сургуулийнхаа шинэ жил дээр дуулахгүй биз гээд, бид нар чинь бүр аймар хүндтэйгээр шинэ жилдээ очиж, Камертоны ах нартай зэрэгцээд дуулаад л. Тэр шинэ жил бол хэзээ ч мартагдахгүй байсан.

Шинэ жил дуучин хүнд?

Дуучин хүний шинэ жил гэхээр байгууллага, хамт олон гээд олон хүмүүсийг баярлуулдаг шинэ жил болоод хувирчихсан байна. Энэ тэндгүй уригдана. Энэ тэндгүй дуулна. "Шинэ жил ирлээ" дуу маань бараг 30 нас хүрч байна. Энэ хугацаанд тийм олон мянган удаа давтагдаж дуулсан байна, гадаа дэлгүүрүүд хүртэл спикер дээр миний тэр дуунуудыг тавиад л түмэн олонд хүрч байдаг болсон доо.

Шинэ жилийн мартагдашгүй бэлэг?

Шинэ жилийн мартагдашгүй бэлэг гэхээр өөрийн минь зурагтай, надад зориулаад захидал биччихсэн, хөргөгчийн наалт, календарь, түлхүүрний оосор гээд жижигхэн мөртлөө сэтгэл шингэсэн бэлэг хүнийг их баярлуулдаг хамгийн том гоё бэлэг юм шиг санагддаг юм. Яагаад гэвэл тэр календарийг би бүтэн жил хэрэглэж өөрийнхөө ажлын төлөвлөгөөг бичих нь байна тээ. Миний нэртэй халуун сав хүртэл бэлэглэж байсан. Яагаад гэвэл дуучин хүн учраас байнга бүлээн ус ууж явдаг. Тэгэхээр миний нэртэй бүлээн ус хийх халуун сав бэлгэнд авч байлаа. Тэр бас аягүй гоё мартагдахгүй дурсамж.

Шинэ жилийн үнсэлт?
Шинэ жилийн хамгийн гоё үнсэлт бол 2 охиныгоо үнсээд шинэ амьдралын эхлэлийг шинэ он дагуулаад ирлээ. Охид маань бүгдээрээ нэг нас нэмлээ шүү гэж хэлэх л тэр хамгийн гоё шинэ жилийн үнсэлт гэж би бодож байна.

Red kiss?

Улаахан үнсэлт гэдэг чинь уруулаа улаанаар будаж байгаад тамгалахыг хэлнэ. /инээв/. Red kiss гэснээс 2025 оны 12 дугаар сарын 13-нд хагассайн өдөр Red kiss нэртэй шинэ жилийг би 4 дэх удаагаа хийх гэж байна. Ер нь дуучин Сэрчмаагийн форматаар хийдэг шинэ жил гэж ойлгож болно. Шинэ жил маань их гоё болдог. Яагаад гэвэл дуучин хүн зохион байгуулж байгаа учраас манай рок попын бүхий л дива нар, дуучид, мундаг урдаа барьдаг шилдгүүд маань бүгдээрээ ирдэг. Манай Харангийн Лхагва ах, A sound хамтлаг, Лемонсийн Одноо, Сан жүниперийн Тэгшээ, эмэгтэй дуучдаас гэх юм бол манай Солонгоо сургуулийн маань найз Эмоушнд байсан.

За тэгээд дуучин Цогсогмаа, дуучин Үүрээ найз маань. Гэх мэтчилэн Өнөболд хөтлөгч гээд одоо бүжигчин охид гээд яриад байх юм бол маш олон гоё гоё гэнэтийн бэлэг, сугалаанууд байгаа. Сэр сэрчмаагийн хамгийн ёндоотой шагналыг хүртэл ирсэн бүх хүмүүс сугалж одоо өөрийнхөө оныхоо азтай хийморьтой одтойг шагнаж сугалаагаар хожих боломжтой ийм гоё шинэ жил болдог.

Та бүхэн хэрэв холбогдъё гэвэл 99108265 гэсэн утсаар холбогдоод авч болно. Найз нөхөд болон цөөхүүлээ байдаг хамт олон баярлаж чаддаггүй шүү дээ. Тэр олон дуучдыг уриад шинэ жил хийх боломжгүй учраас манай шинэ жил дээр нэгдчихдэг. Цөөхөн хүмүүсийн захиалга авах үлдчихсэн байгаа шүү.
Энэ жилийн амжилт?

Миний хувьд уран бүтээлч хүн гэхэд нэлээн олон гоё шинэ уран бүтээл гаргачихсан, шинэ клип хүртэл гаргалаа. Дуучин Цогсогмаа дүүтэйгээ өөрийнхөө анх 2 хүү хамтлагтай дуулж байсан "Дурсамж дүүрэн улирал" дуун дээрээ бас клип хийлээ.
Пянзаа гаргалаа.

Пянз гаргана гэдэг бол ямар ч хүн дуучин болоод 30-аад жил, энэ хугацаанд 270 гаруй дуу хийхдээ одоо тэндээсээ шилээвэр шилдэг гэсэн дууныхаа арван тракийг авч пянз хийх нь бас дуучин хүний хувьд нэр төрийн хэрэг байх аа гэж би бодож байгаа. Тэгэхээр өөрийнхөө зохиосон үүрд минийх гэж амлаач дууныхаа нэрээр пянзаа нэрлэж гаргасан.

Баярлалаа танд амжилт хүсье