Манай улсад соёл урлагийн байгууллагын ажилтны өдрийг 1993 оноос хойш тэмдэглэн өнгөрүүлэх болсноос эдүүгээ 28 дахь жилтэйгээ золгож байна. Эх орныхоо урлаг соёлыг тасралтгүй хөгжүүлэн, хойч үедээ уламжлан үлдээж өвлүүлэх, үзэгч олон түмэндээ шинэ уран бүтээлийг өргөн барихын төлөө цаг ямагт хичээнгүйлэн зүтгэж байдаг хүмүүс бол уран бүтээлчид, урлаг соёлын байгууллагын ажилтнууд юм. Тэдний нэг Улсын Дуурь Бүжгийн Эрдмийн театрт 19 настай ажилд орж тасралтгүй 34 жил ажиллаж буй Л.Уранчимэг юм.