Болзошгүй үер усны аюулаас сэрэмжлүүлж байна

Болзошгүй үер усны аюулаас сэрэмжлүүлж байна

Мэдээ, мэдээлэл

August 09, 2019

1197

Нийслэлийн хэмжээнд үргэлжлэн орсон усархаг аадар борооны улмаас дүүргийн 11 дүгээр хороо Чулуутын болон Хөлийн гол орчмын ай сав газрын иргэд, оршин суугчид усанд боогдож, гэр усанд автсан гэсэн дуудлага дүүргийн Онцгой комисст ирсэн байна. Иймд дүүргийн Онцгой байдлын хэлтсийн дарга, дэд хурандаа В.Батсайханаар ахлуулсан ажлын хэсэг үүссэн нөхцөл байдалд ажиллан түргэн шуурхайн арга хэмжээг авч ажиллаа.
Тодруулбал тус хэсгийн усанд автсан 70 гаруй айл өрх, иргэдийг аюулгүй газар нүүлгэн шилжүүлж, үерийн усны түвшин нэмэгдэж гарах гарцгүй болсон иргэдийн хашааг сэтлэн усыг урсгах арга хэмжээг авсаар байна. Түүнчлэн дүүрэг дэх Цагдаагийн 1,3 дугаар хэлтсийн албан хаагчид болон дүүрэг дэх Замын цагдаагийн хэлтсийн албан хаагчид үүссэн нөхцөл байдалд ажиллан үерийн улмаас зорчих боломжгүй болсон замуудыг хааж, түр зам гарган холбогдох арга хэмжээг авч байна. Иймд та бүхнийг байгалийн гамшиг, болзошгүй осол аваар, үер усны аюулаас урьдчилан сэргийлэхийг Баянзүрх дүүргийн Онцгой комиссоос анхааруулж байна