Согтуу жолооч хоёр машин мөргөж, хүн гэмтжээ

Согтуу жолооч хоёр машин мөргөж, хүн гэмтжээ

Мэдээ, мэдээлэл

May 10, 2023

904

Цагдаагийн байгууллагаас өнгөрсөн сард “Уусан бол бүү жолоод" шөнийн нэгдсэн хяналт шалгалтыг нийслэлийн есөн дүүрэг, 21 аймгийн нутаг дэвсгэрт зохион байгуулжээ. Уг шалгалтаар 1 шөнийн дотор буюу 5 цагийн дотор 512 согтуу жолоочыг илрүүлсэн байна.
Тэгвэл 5 дугаар сарын 07-ны өдрийн өглөө 08 цагийн орчим ногоон нуурын гудамж, шинэ замын уулзварт RX 350 маркийн машинтай Б осол гаргаж 2 машин мөргөж, хүн гэмтээсэн байна. Осол гаргасан жолооч согтолтын зэрэг 2.8 бүхэл байсан бөгөөд улаан гэрлээр уулзвар нэвтэрсэнээс болж, тус замаар урдаас хойш зорчиж явсан Приус 20 маркийн авто машиныг мөргөжээ. Улмаар Приус 20 маркийн автомашин шидэгдэн зогсоол дээр байсан Приус алфа маркийн машиныг мөргөж зогссон байна. Урьдчилсан байдлаар Приус 20 маркийн машинд зорчиж явсан иргэний мөр гэмтсэн гэх мэдээлэл байна.
Уг ослын хэргийн шалгалтын ажиллагаа үргэлжилж байгаа юм байна. Бид уг ослын талаарх мэдээллийг эргэн сурвалжлах болно.