"Хөх сувд-2019" мөсний баяр

"Хөх сувд-2019" мөсний баяр

Мэдээ, мэдээлэл

March 03, 2019

2334

Энэ жил Мөсний баярын талбайг Хатгал тосгоноос 1 км 500 метрийн зайтай мөс хамгийн зузаан хөлдсөн “Хүй толгой”-д зохион байгуулж байна.

Анх Хөвсгөл нуураа хамгаалах, өвлийн аялал жуулчлалыг хөгжүүлэх зорилгоор Хөвсгөлийн Тусгай хамгаалалттай газрын байгаль орчны байцаагчаар ажиллаж байсан Ж.Төмөрсүхийн санаачилгаар Хөвсгөл нуурын “Сантын өвөр” гэдэг газар 2000 онд анх Мөсний баяр хийж арваад чаргатай морины уралдаан болж нутгийн иргэд оролцож байсан гэдэг. Харин дараа жилээс нь буюу 2001 оноос Мөсний баярын хүрээ тэлсээр өнөөдрийг хүртэл тэмдэглэж өвлийн аялал жуулчлалыг хөгжүүлэх эвент арга хэмжээ болж өргөжөөд байгаа ажээ.

Иргэдийн аюулгүй байдлыг хангах, Хөвсгөл нуур бохирдохоос сэргийлэх зорилгоор автомашин техникийг хуурай газарт байрлуулж, мөсөн дээр зөвхөн явган хүн, морин чарга гаргаж зохион байгуулалт сайн байгааг иргэд хэлж байсан бөгөөд эхний өдрийн арга хэмжээнд 2500 гаруй автомашин, 15000 гаруй иргэн ирж оролцлоо.